༄༅། །བདེ་གཤེགས་སྙིང་པོའི་སྒོམ་ཁྲིད་ཀྱི་གསལ་བསྒྲགས།

---

༸བྱམས་མགོན་རྡོ་རྗེ་འཆང་ཀྭན་ཏིང་ཏཱའི་སི་ཏུ་པདྨ་དོན་ཡོད་

གྲུབ་པ་མཆོག་གིས་འཛམ་གླིང་ཡུལ་གྲུ་ཀུན་ཏུ་ནང་ཆོས་
དོན་གཉེར་ཅན་གཞི་རིམ་མི་མང་ཁྲོད་དམ་པའིི་ཆོས་ཀྱི་གོ་

རྟོགས་དང་ཉམས་བཞེས་གནད་སྨིན་ཡོང་བར་དམིགས་ཏེ།
མགོན་པོ་གང་གིས་སྐུ་ཚེའི་རིང་དམ་ཆོས་འཆད་ཁྲིད་མཛད་

པའི་ཉམས་མྱོང་དང་སྦྲགས་ཁྲིད་ཡིག་ལྗགས་རྩོམ་གྱིས་
གཏན་ལ་ཕབ་པའི་ལོ་རིམ་གསུམ་ཅན་དམ་ཆོས་ཉམས་སུ་

ལེན་ཚུལ་སྟབས་བདེ་ཞིག་ཡིན།

ཕྱི་དངོས་པོར་གཡེང་བ་མང་བའི་དབང་གིས། ནང་གི་བསམ་བློ་ལ། གནོན་ཤུགས་དང་སྔངས་སྐྲག ། འགྲན་སེམས་དང་ རང་འདོད། བློ་ཕམ་དང་ཐབས་ཟད། ཁེར་རྐྱང་དང་སྒྱིད་ལུག་གི་བསམ་བློ་སོགས་རིམ་གྱིས་ཞི། སེམས་ལས་སུ་རུང་ ཞིང་དགེ་བའི་དམིགས་པ་ལ་བཀོལ་ཐུབ། ཉོན་མོངས་དང་རྣམ་རྟོག་གི་ནུས་པ་ཇེ་ཆུང་དང་། གནས་ལུགས་མཐོང་བ་ཇེ་གསལ་དུ་འགྲོ། དམ་པའི་ཆོས་ཀྱི་སྒྲོམ་གཞི་རྟོགས་ནས་ཆོས་ཀྱི་ལམ་ལ་འགྲོ་ཤེས་མཁན་གྱི་ནང་པ་སངས་རྒྱས་ པ་ཚད་ལྡན་ཞིག་ཆགས་ཐུབ།

  ལོ་རིམ་དང་པོ། བཀའ་དང་པོའི་འཇུག་སྒོ། ལོ་རིམ་གཉིས་པ་བཀའ་བར་མཐའི་འཇུག་སྒོ། ལོ་རིམ་གསུམ་པ་གསང་ སྔགས་ཀྱི་འཇུག་སྒོ་བཅས་སོ། །ལོ་རིམ་དང་པོའི་ངོ་སྤྲོད་དང་ཉམས་ལེན་ནི། དབུགས་དང་ཡིད་བཟླས་ཀྱི་ཞི་གནས། རང་དང་སྤྱིའི་མཚན་ཉིད་ཅན་གྱི་དྲན་པ་ཉེར་བཞག །བདེན་བཞི་དང་སྐྱབས་འགྲོ་བཅས་ཁྲིད་སྒོམ་སྦྲགས་མ།

ཆོས་ཞུ་བ་ཚང་མས། ལོ་རིམ་གསུམ་གར་མཉམ་ཞུགས་ཐུབ་ངེས། ལོ་རེར་ཞག་པོ་དྲུག་རེ་སྒོམ་ཁྲིད་དུ་ཞུགས་ཐུབ་ངེས། ལོ་རེའི་ཉམས་ལེན་ཉིན་སྟར་ཆགས་ལག་ལེན་ཐུབ་ངེས། ཟླ་བ་སྟར་ཆགས་ལྟ་བུར་དྲྭ་ཐོག་ནས་དྲི་བ་དྲིས་ལན་དང་། སྐྱོར་ཁྲིད་ལ་མཉམ་ཞུགས་ཐུབ་ངེས་བཅས་དགོས།

ཁྱོན་ལོ་རིམ་གསུམ། ལོ་རེར་སྒོམ་ཁྲིད་ཉིན་གྲངས་དྲུག །

ཉིན་རེར་སྒོམ་ཁྲིད་དང་སྒོམ་ཐུན་བཞི་རེ་བཅས་སོ།།